Láhka rijkalasj unneplågoj ja unneplågogielaj birra

Láhka rijkalasj unneplågoj ja unneplågogielaj birra mierkki oanegisláhkáj dujna li vuollelin nammadum riektá:

• Gájkka almulasj dåjman la sierralágásj åvdåsvásstádus suoddjitjit ja åvdeditttjat duv gielav ja duv kultuvrav.
• Mánán la nannodum riektá åvdedit ietjas kultuvrav ja ietjas gielav.
• Dujna l rievtesvuohta oadtjot diededimev birra majt láhka mierkki dunji vissa stáhta tjuottjudusfábmudagájs, siegen Sosiálastivrra.
• Fábmudagájn la vissa vidjurijn välggogisvuohta guládallat dujna suomagielan, meängielan ja sámegielan - lågå ienebuv webbabielen Rätten att använda ditt språk.
• Vuorrasijn gudi årru tjuottjudusguovlon la riektá oadjot ålles jali ájnas oasev ietjasa vuorrasijhuvsos barggijs gudi máhtti ságastit suomagielav, meängielav jali sámegielav. Sämmi l aj fámon vuorrasijda gudi årru tjuottjudusguovloj ålggolin jus kommuvnan li bargge gudi máhtti suomagielav, jiddisch, meängielav, romanagielav jali sámegielav.
• Kommuvna galggi vuorrasijhuvso rájáj sinna mij vatteduvvá un neplågogielajn vieledit vuorrasij dárbov ietjasa kultuvralasj identitehtav bisodit.
• Kommuvna li välggogisá åvdedit bargge gávnnuji máhttudagáj unneplågogielajn gånnå l dárbbo vuorrasij sujton.
• Sujttovadde varresvuohta- ja skihpasujton bierriji åvdedit  bargge gávnnuji máhttudagáj suomagielan, meängielan, ja sámegielan gånnå l dárbo sujton.
• Tjuottjudusfábmudagá galggi vaddet rijkalasj unneplågojda máhttelisvuodav bájnnemij ássjijn ma sidjij guosski ja guhkas máhttelis rádedit unneplågoj dakkir ássjijn.
• Mánáj ja nuoraj máhttelisvuohta bájnnemij ja rádedibmáj galggá sierraláhkaj åvdeduvvat.