Riekti geavtit iežat giela

Ruoŧa našuvnnalaš minoritehtat juvddálaččat, romenat, sámit, ruoŧasuopmelaččat ja duortnuslaččat. Našuvnnalaš minoritehtagielat leat jiddisch, romani chib, sámegiella, suomagiella ja meänkieli. 

Alla našuvnnalaš minoritehtagiella galgá suddjejuvvot ja ovddiduvvot

Láhka dadjá ahte našuvnnalaš minoritehtagielat galget suddjejuvvot ja ovddiduvvot. Das gii gullo našuvnnalaš minoritehtii galgá leat riekti oahppat, ovddidit ja geavtit iežas minoritehtagiela. Eiseválddit galget guldalit našuvnnalaš minoritehtaid ja váldit vuhtii sin dárbbuid.

Erenomáš nanu vuoigatvuođat suomagiela, meänkieli ja sámegiela váste

Erenomáš nanu vuoigatvuođat leat das gii hupmá suomagiela, meänkieli dehe sámegiela ja orru hálddašanguovlogielddas. Minoritet.se beasat oaidnit gullogo du gielda hálddašanguvlui.

Dus gii orut hálddašanguovlogielddas lea riekti gulahallat eiseválddiiguin iežat gillii. Don galggat sáhttit oažžut vástádusa njálmmálaččat ja čálalaččat seamma gillii.

Don sáhtát váhtit oažžut ovdaskuvlla, eará pedagogalaš doaimma ja boarrásiid fuolaheami ollásit dehe buori muddui  suomagillii, meänkillii dehe sámegillii.

Jus orut soames dáin gielddain Árjjátluovvi, Jiellevárri, Haparanda, Johkamohkki, Giron, Pajala dehe Övertorneå dus lea riekti geavtit minoritehtagiela aktavuođain duopmostuoluin.

Beroškeahttá gos don orut don galggat álo sáhttit čállit suomagillii, meänkillii ja sámegillii Riikkabeivviid áirasiidda ja Vealahanáirasii, Seamma guoská Vuoigatvuođakánslera, Dáhkáduskássa, Vearrodoaimmahaga ja Bargogaskkusteami áššiin main leat áššáiosolaš dehe áššáiosolaš ovddasteaddji.