Tle pravija (hakija)

O zakoni (kanuni) bašo nacionalno minoritetija hem minoritetikane  čhibja

O zakoni bašo nacionalno minoritetija hem minoritetikane čhibja značinela ko krato phendo kaj tut isi akala pravija:

• Sarinengiri phravdi (opštestveno) buti isi olen specijalno odgovornost te arkhen hem te vazden tli čhib hem tli kultura.
• E čhaven isi jek zoraleder pravo te šaj te džan angle ple kulturaja hem čhibaja.
• Tut isi pravo te del pe tuke informacija so značinela tuke o zakoni keda i ko pučibe disave državna vlastija, maškar olende i o Socialstyrelsen.
• Ko disave situacije o vlastija i dužna te komunicirinen tuja ki finsko, meankieli hem ki samikani čhib – buteder bašo odova dikh ko Pravo te koristinet (istemalkere) tli čhib.
• O phure so bešena ko jek administratikano than isi olen pravo te  del pe olenge sa o phurengoro arakhibe  ja pale jek baro kotor taro odova arakhibe kori so o personali ka vakerel finsko, meankieli ja pale samikani čhib. Odova važinela hem avri kotar o administratikane thana  te isi e komuna personali so džanena i finsko, javudikani, romani čhib, meankieli ja pale samikani čhib.
• O komune ko phurengoro akhibaskoro okviri so nudinena ko minoritetikane čhibja ka dikhen e phurengiri potreba te šaj ola te ikeren plo kulturikano identiteti.
• O komune i dužna te keren buti te šaj te ovel olen personali  so džanena o minoritetikane čhibja kori so ka trebel ko phurengoro arakhibe.
• Okola so dena arkhibe (Arakhdearija) ko sastipaskoro hem nasvalipaskoro arakhiba, trebela te keren te ovel olen personali džanibencar ki finsko, meankieli hem samikani čhib kori so ka trebel ko arakhibe.
• O Administratikane vlastija  ka den e nacionalno minoritetenge šajipa te uticinen ko okola pučiba keda vakerela pe baši olende hem te šaj te sovetinen pe e minoritetenncar so buteder so šaj ko asavke pučibe.
• Ka vazdel pe specijalno e čhavengoro hem e ternengoro šajipa bašo uticibe hem sovetibe.