O pravo te koristine tli čhib

E Švedijakere nacionalno minoritetija i o javudie, roma, samija, švedikane fincija hem o tornedalcija. O nacionalno minoritetikane  čhibja i i javudikani čhib, romani čhib, samikani , finsko hem meankieli. 

Sa o nacionalno minoritetikane čhibja trebela te arakhen pe hem te vazden pe

O zakoni (kanuni) phenela kaj o nacionalno minoritetikane čhibja trebela te arakhen pe hem te vazden pe. Okova so perela ko disavo nacionalno minoriteti isi ole pravo te sikljol, te džal angle ki pli minoritetikani čhib. O vlastija trebena te šunen e nacionalno minoriteten hem te len ko obzir odova so trebela olenge.

Specijalno te zorakerel pe o pravija baši finsko, meankieli hem samikani

Specijalno zorale pravija isi okole so vakerela i finsko, meankieli ja pale samikani čhib hem so bešena ki jek komuna ko jek administratikano than. Ko minoritet.se šaj te dikhe dali tli komuna khuvela ko jek administratikano than.

Tu so bešea ki jek komuna ko jek administraikano than isi tut pravo te komunicirine e vlastencar ki tli čhib. Tuke ka del pe odgovor hem moja hem pismeno ki tli čhib.

Tu šaj te rode te del pe angliškola (predškolska), jek kotor tari pedagogikani buti hem e phurengoro arakhiba  te ovel sa ja pale jek baro kotor ki finsko, meankieli ja pale ki samikani čhib.

Te bešeja ki disavi taro akala komune Arjeplog, Gällivare, Haparanda, Jokkmokk, Kiruna, Pajala ja pale Övertorneå tegani isi tut pravo te koristinet li minoritetikani čhib ko kontakti e sudoja.

Bizo razlika kori bešeja isi tut pravo te pišine ki finsko, meankieli hem ki samikani čhib dži ko Parlamenteskere ombudsmanija hem ko Diskriminiribaskoro ombudsmani. Odova važinela hem keda isi tut disavi buti ja pale reprezentirineja džikas ko Justicikano kancelari, Anglosiguribaskiri kasa (Försäkringskassan), Deisibaskoro vlasti (Skatteverket) hem Butirodibaskoro biro (Arbetsförmedlingen).