Nationelli tiknomanisch

Aschar diro khon attjer sveddingens nationelli tiknomanisch? Kaj kammar diro janepha baschi sar hortepha siro kammat.

Delle aschar diro savo kammar pattjohortan te penna baschi dir oaschar jeck nationelli tiknomanisch ir tjii – dolle aschar saro manisch diro identifierar diro ninna ta kanslar kettanespha ninna.

Dova nevo hortan baschi nationelli tiknomanisch ta tiknomanisch tacklepha avade 2010. Saro manisch savo saste pennas gla nationelli tiknomanisch kammade tidigare pottats attjer baro-beddomanischen (Riksdagen). Dolle kerrades savrige ninna te sveddingen 1999 tavade siro ninna to Europarådets ramkonventioni baschi hilprepha gla nationelli tiknomanich ta dolle eropeiska stagfin baschi themmbekks- ir tiknomanisch racklepha.