Kado si amende

Kathe arakes tu informacia pe so ame lasharas karing le nationalni minoritetonge shiba.

Te san tu partjari ande jekh djela so phirrel akanash kaj o Socialstyrelsen, kadja si tut thela hunji droma chachimos te kerres amenca kontakto pe chirri shib, mothomasa/divanosa vaj ramomasa.

Kado si tuke kaj des duma meankalicka, finlandericka, vaj samicka. Chirri djela trebul vi te avel phangli kaj jekh andal gora kaj len sama pe kadala shiba, sar na primer kana chi djela si phangli kaj jekh bukji kaj phirradi si kothe vaj ke tu kothe beshes. Kathka shaj dikhes chi beshes tu vaj na ande kadala samenge gora.

Kodola bukja pa savende kado maj buth shaj zhal si le love kaj o them del po azhutimos, pinzharimaske pushimatha, kaj le zakonoske/legalni/krisake pushimatha.

Shaj aven vi kaver vramji kaj tu shaj les kado azhutimos, na primer sar kana tu manges jekh publichno ram. Thena chi zhanesa vortha – push tut!

Vunji kothora azhutimaske

Tu shaj vi ramos vaj bishaves jekh email amende pe chirri shib. Pe kadi ame las firma kaj bolden e shib te shaj den tut atveto. Shaj zhan vunji kurke zhipun chirre rama avena boldine haj tu lesa atveto.

O rodimos pe maj angle si ke tu birisa te des duma pe chirri shib ando kontakto amare bukjarenca pherdal jekh tolmach/shibako bolditari. Ame adjes chi zhanas kana kado avela lashardo.